近兩年長駐內地拍劇掘金的傅穎，昨日出席《apm早晨！全城瞓醒睇世盃！》活動時，否認成為小富婆，但坦承在內地工作比在香港開心及少是非。但為免被港迷忘記，她將於下月拍攝一部港產片回歸香港影壇。

Theresa承認在內地工作因少是非而較開心，下月將回歸拍攝港產片。

藝術家Britto與Theresa雞啄唔斷。

新鴻基地產租務總經理馮秀炎 （左起）、藝術家Britto和Theresa為全港首個足球藝術展館主持揭幕。

陳逸璇（左起）、Ana R.、藝術家Britto、新鴻基地產租務總經理馮秀炎、Theresa和Lea T.出席《apm早晨！全城瞓醒睇世盃！》活動。

Theresa即場大展畫畫天分。

甚少在港露面的傅穎（Theresa）昨日出席《apm早晨！全城瞓醒睇世盃！》活動，並聯同新鴻基地產租務總經理馮秀炎及國際殿堂級普普藝術家Romero Britto，為全港首個足球藝術展館主持揭幕。Theresa即場大晒畫技，而Romero Britto主動拿出手機為Theresa影相。

接受微調打針

Theresa坦言這兩年經常在內地工作，已有近一年沒有在港出席活動，問到是否賺了不少人仔？她謙稱：「唔係，好開心內地導演畀機會我，做啲我鍾意嘅角色。（香港活動請唔郁你？）唔會，睇吓劇組放唔放人。其實我喺內地係新人，唔會賺得好多。（多過香港？）唔同，但喺內地做嘢成個劇組好開心，殺青時大家都好唔捨得。（冇香港咁多是非？）都係。」至於會否擔心被香港觀眾遺忘？Theresa自爆7月將會拍攝一部香港電影，但詳情未能公布。

另外，無論樣貌及身材也變化不少的Theresa，被問到「變臉」時，她淡定地說：「因為大家耐冇見我，你哋冇見過我冇化妝嘅樣啫！所謂人前特美，人後是鬼。（怕唔怕畀人話你整容？）我冇所謂，都講咗十年有多。」她又稱若有需要不抗拒打針或作微調：「如果老咗有皺紋會考慮打針，但依家我還好。（你係純天然？）你覺得我唔係天然？其實演員要畀最佳狀態觀眾睇，微調我可以接受。」記者指她連上圍也變豐滿，她笑說：「我有練腹肌。（練到個胸都大咗？）着唔同衫要着唔同內衣先有效果。」問她是否暗示有加墊，她即以「殊」一聲以示保密。

談到感情生活，Theresa聲稱單身，並自認是工作狂，身邊不少男性好友也知道她以工作為主，問到有否追求者？她說：「有。（係咪你眼角高，所以唔啱？）唔係。（接受內地人嗎？）呢個隨緣。」