高鈞賢貼贏阿根廷 張秀文被「輪訪」

身在巴西貝洛奧里藏特的前港男高鈞賢及前港姐張秀文，為球迷直擊昨日凌晨阿根廷對伊朗的世界盃賽事。張秀文笑言在傳媒中心認識了幾位中國記者，他們對於香港派出靚女採訪十分好奇，更輪流採訪她。而高鈞賢則笑言當地儼如阿國主場：「因為阿根廷近巴西，現場全部都係阿根廷球迷！阿根廷粉絲好Nice，好多人搵我哋影相，佢哋嘅熱情令我都想去（阿根廷）睇吓！」他更在開波前訪問伊朗支持者，面對足球勁旅阿根廷，不少伊朗球迷坦言只求「和波」，而身為球迷的他亦「貼」阿根廷大炒伊朗：「相信冇5比0都有3比0！」可惜最後阿根廷力不從心，在90分鐘後才攻入一球險勝。