《美國處男》（American Pie）男星積遜碧斯（Jason Biggs）的老婆在新書踢爆曾召妓回家玩「3P」，為積遜慶生，因而被狠批不當，但積遜自稱為人「開放」，今次只屬個別事件。

積遜太太Jenny Mollen最近推出自傳《I Like You Just the Way I Am》，本周二Jenny上節目《The View》宣傳時，自爆書中提及為氹老公開心，竟趁對方生日時聘請妓女一起玩3P，當作生日禮物。另一名嘉賓Candace Cameron即狠批此舉不當：「呢件事點會係正嘅古仔？對唔住，雖然我都有幽默感，但唔覺得好笑囉！」

被笑表現差

積遜前日上同一節目時就力撐老婆：「我哋係好開放、好真嘅人，呢件事又唔係一個習慣，唔會定時定候有成班妓女喺我屋企出出入入！」他又透露最後未能盡興，而太太覺得這件事相當搞笑：「老婆幾日內分別請咗3名妓女，但佢哋唔肯同我老婆親熱，最終都玩唔成3P！當時老婆坐喺床上面一路食薯片一路係咁笑，可想而知我表現有幾差！」他又指Jenny面對公眾時非常害羞，不願透露太多私事。不過，Jenny日前在Twitter上載一張Jason全裸，並僅以她的新書遮下體的照片，兩公婆擺明公開「性事」當宣傳伎倆！