早前在橫店拍劇的李彩華，大前日與兩名女友人到中環濕平，她先到珠寶店睇鑽飾，其後又往名店專攻桃紅色手袋！逗留十分鐘的她總共購下三個名牌手袋！

3字頭的阿Rain埋首專攻粉色袋，看來仍然保持一顆少女的心。

阿Rain對桃紅色手袋愛不釋手，又親切地向記者揮手！

高妹阿Rain為濕平主動幫友人擔遮，果然購物大過天！

現年30歲的李彩華（Rain），近年頻頻北上拍劇賺人仔，劇酬達30萬人民幣一集，賺到盆滿缽滿的她於短短三年勁賺8,000萬港元，堪稱圈中小富婆！在橫店逗留三個月拍民初劇《後媽的春天》的她，一完成拍攝即返港休息，更相約朋友Shopping。

埋頭苦幹

大前日下午5時，束起辮子兼身穿闊領露膊衫的Rain，挽着紅色名牌手袋現身中環逛名店，同行還有兩名女友人。三人沿途雞啄唔斷，未幾進入一間珠寶店，Rain到首飾櫃細心研究鑽飾，更摸勻價值萬多至十多萬港元的頸鏈、手鏈及耳環！睇完一輪，Rain指着數萬元的耳環，不停向店員詢問。當她步出店舖時笑笑口向記者揮手，態度親切！

其後，意猶未盡的Rain到附近名店睇手袋，只見她專攻充滿夏日色彩的螢光黃及少女最愛的桃紅色，瘋狂試袋的她不時埋鏡比較，連黑色都唔放過！她在10分鐘內極速購下三個價值萬多元的心水靚手袋，並着店員為她Keep起戰利品，然後與友人到別處Shopping！

因下雨的關係，高妹Rain見狀即為友人遮風擋雨！總結當日戰績，Rain先花數萬元買鑽飾，再加三個合共約五萬元的手袋，短短半小時內豪使十萬元，對小富婆嚟講，濕濕碎啦！