鄭嘉穎、陳展鵬及洪永城昨日在炎熱天氣下拍新劇槍戰場面，曾因拍內地劇《葉問》受傷的嘉穎，自嘲「戇居」，而今次拍槍戰並無陰影。

嘉穎（右）槍戰之餘亦有不少打鬥場面。

陳展鵬躲在汽油桶後與敵人駁火。

洪永城（右）與陳展鵬互相嬉戲，十足大細路。

鄭嘉穎、陳展鵬及洪永城昨日無懼炎熱天氣，到元朗八鄉為新劇《天眼》拍攝槍戰場面，三人對於《好報》報道無綫綜藝科、戲劇科高層余詠珊及曾勵珍為世界盃節目爭人，爆發新一輪派系鬥爭，各有不同意見，嘉穎說：「我唔係綜藝材料，冇口才，呢種事唔會發生喺我身上，我係拍劇嘅，會全心全意拍劇。（之前整傷額頭、拍《葉問》打戲受傷，對拍動作戲有陰影？）唔會，額頭嗰次係我戇居，唔關槍戰事。《葉問》嗰次係意外，話明意外，冇得小心！」

全台撐世盃

問到有否被徵召撐無綫世盃開幕Show，陳展鵬說：「冇喎！一路忙開劇，公司花咁多錢買世界盃，全台上下都支持配合啦！（有指兩大高層爭得好勁？）以前試過工作撞時間，但都係拍劇優先，牽涉太多人，至多盡快拍完串下單，好多時都係演員辛苦啲就搞掂！」

至於被指是余詠珊愛將的洪永城則說：「我同余詠珊熟啲，間間公司都有呢啲傳聞，（爭人）唔多發生喺我身上喎！通常拍劇定好咗，好少有大糾紛。我諗所謂爭人，最多係想度演員期，得就OK，唔得都唔會有大問題，TVB演員出咗名捱得，冇問題嘅！」