廣西玉林市昨日舉行荔枝狗肉節，商販虐狗牟利的新聞在網上瘋傳，圈中人紛紛作出譴責。袁詠儀的愛犬「帶金」昨天1歲生日，她鬧爆食狗肉是不文明的行為，並呼籲當地民眾取消這個習俗，當狗隻如至親的蔡卓妍及廖碧兒亦怒斥狗販殘忍。

靚靚出名愛狗，虐狗一事令她大動肝火。

中國傳統食狗肉的習俗近年頻頻引起爭議，不少愛狗之人都希望停止這風俗。廣西玉林市昨日舉行一年一度的荔枝狗肉節，網上瘋傳一段狗販於當地市場以虐狗方式，逼愛狗之人出錢救狗的報道，引起全城關注。昨日適逢是愛犬「帶金」的1歲生日，袁詠儀（靚靚）在微博留言︰「帶金的生日願望是不再有狗肉節，家中各人身體健康！」不少網友均留言力撐靚靚，但仍有人指吃狗肉是個人自由。

心如刀割 籲停狗肉節

身在內地工作的靚靚昨日接受電話訪問，怒斥食狗肉是不文明的行為：「唔明咁文明嘅社會點解做咁唔文明嘅嘢，你可以話我食雞、食牛係殺生，但狗係我哋嘅朋友！我養咗帶金1年，佢好了解我，會畀反應，咁好嘅動物唔應該咁對待！而且食狗肉唔知來源，可能啲狗係食垃圾大，如果食咗有連鎖反應點算？」對於有網友指她無權阻止別人食狗肉，她說︰「無權阻止，但有權選擇。微博係宣洩個人感受，只係盡力呼籲其他人停止呢個行為。」此外，她指網上有不少對狗不利的消息，但因害怕會感到不安而未有詳閱相關報道。提到「帶金」1歲生日，她透露本來吩咐老公張智霖買蛋糕慶祝，但對方因忙於綵排演唱會而遺忘此事：「佢話會買多舊煙肉畀『帶金』食補數。」

廖碧兒：你會食朋友？

至於另一名愛狗之人蔡卓妍，昨日亦鬧爆狗販行為不當：「為錢而傷害動物太過分，希望當地政府有法例管制同取消呢個習俗。」廖碧兒昨日亦力斥狗販殘忍：「狗係人嘅朋友，你會唔會食朋友？我唔支持呢個節日，睇到報道覺得心痛，太殘忍！佢哋仲覺得好好玩，睇相啲人仲笑，賺錢仲有其他方法，唔使咁樣。」