名模Jessica C.（JC）與Mandy Lieu昨日性感坐遊艇出席護膚品活動。穿上6吋高踭鞋的JC透露，剛在馬來西亞與鄧麗欣及陳嘉桓拍戲，戲中飾演槍女郎。提到與安志杰（Andy）傳緋聞？她只表示兩人曾合作喪屍戲：「Andy用身體語言教我動作戲。（真拍拖？）只係喺戲入面。（男友Mr. Bond知情？）佢識Andy，有時同男友傾電話都會講起拍電影，佢信我！（怕唔怕男友被其他女仔追？）我會用槍對付！講笑啫！佢識處理。」而Mandy日前有份出席電影《變形金剛：殲滅世紀》的全球首映，讚男主角靚仔，但不知道晚上樂隊表演時香港傳媒被驅趕。她又透露希望拍攝荷里活電影，不介意只得過鏡戲份，記者提議找荷里活男星拍拖？她笑說：「你估好似街市揀芥蘭咁易揀咩！」

Jessica C.谷胸性感撐場派飛吻，輕易成為全場焦點。

Mandy即場試用護膚品。