華姐冠軍鄧佩儀正身在巴西為無綫直擊世界盃，她近日便到球王比利的博物館「朝聖」，逐一細數球王的威水史，還在館內大擺球王甫士搞笑致敬。佩儀與馬啟仁（Keyman）又在巴西街頭拍攝跳「忘情森巴舞」，發揮港式森巴熱情，吸引途人注意。

鄧佩儀與當地人雞同鴨講，要畫公仔先搵到食。

鄧佩儀參觀比利博物館，即場扮這位一代球王Chok甫。

巴西採訪已經十多日，最令佩儀頭痛的是語言障礙，她說：「巴西人英文唔係咁好，所以平時食飯買嘢好多時都係雞同鴨講，有次去食早餐想要熱水，講咗好耐都溝通唔到，最後要畫公仔先攞到！不過，巴西人真係好熱情、友善，好有心機去幫你。」日前發生智利球迷衝擊傳媒中心及球場事件，佩儀指事後場地保安明顯加強，幾乎每個看台通道出入口皆有人把守，嚴防球迷搞事。