歌手何韻詩昨日以波鞋襯皮裙造型出席活動，近日愛上跳繩的她，更瘋跳操出四舊腹肌，身形Fit爆的她揚言考慮穿比堅尼騷身材。

與劉心悠出席活動的何韻詩（右）表示，考慮穿比堅尼晒腹肌。

丁子高（左起）、劉心悠、朱鼎耀和何韻詩等齊齊打手印。

何韻詩（右）和心悠以拼貼方法宣揚保護動物的訊息。

何韻詩、劉心悠及丁子高等聯同觀瀾湖集團副主席朱鼎耀一同出席在尖沙咀舉行的「2014觀瀾湖世界明星賽」記者會，其中阿詩自嘲是「慳錢窮歌女」，玩不起高爾夫球這種高尚玩意，又自爆近日愛上便宜的運動：「我最近愛上咗玩跳繩，（雙人跳繩？）未練到雙人，都係簡單跳，跳繩係最簡單嘅Keep Fit方法，可以練氣同練力。」她又指近一年身體改善了很多：「朋友都話我個樣唔同咗。（微整形？）我都驚畀人誤會，其實只係似老人家生活，早睡早起，食得清淡。」記者笑問她可會穿比堅尼展示身材？她笑說：「可以考慮吓，以前着出嚟嚇親人，身形未Handle到，依家都操番有四舊腹肌，仲差兩舊。」

心悠恨探望爸爸

至於劉心悠則就透露在加拿大讀書時學過打高球，但沒有培養成興趣：「如果陪男朋友OK，我又唔驚曬黑，我鍾意曬太陽，不過我最鍾意嘅運動都係跑步。」而剛過去的父親節在工作中度過，現時父親長居加拿大，她希望有時間可以去探望爸爸。