前晚世界盃德國大勝葡萄牙4比0，萬人迷基斯坦奴朗拿度（C朗）未能大顯功架入球兼輸波，賽事中C朗愈踢愈躁，全程被在場內為無綫擔任世盃主持的高鈞賢及張秀文直擊，二人對葡萄牙輸波都大感失落！

趁葡萄牙賽前練習，高鈞賢自拍與C朗（箭嘴示）的「合照」。

張秀文與高鈞賢在巴西街頭大跳戰舞，感受熱鬧氣氛。

藝員高鈞賢及張秀文前晚在巴西薩爾瓦直擊德國大勝葡萄牙4比0的賽事，雖然葡萄牙的基斯坦奴朗拿度（C朗）未能大顯功架射入球，更愈踢愈忟憎，靠一人之力未能力挽狂瀾，難怪C朗發牢騷搣隊長臂章，但仍無損其萬人迷魅力！

高鈞賢在場內與C朗遠距離合照，而張秀文直言見到C朗賽前練波已被電暈，大讚他靚仔又迷人：「勁失落睇唔到C朗入波，葡萄牙捱打，我食唔落飯！」身為德國粉絲的高鈞賢為配合拍攝氣氛，而要假扮葡萄牙粉絲，他指完場後球迷相當瘋狂：「張秀文成個人畀佢哋抱起，我已經去幫佢，不過情緒太高漲太困難！」

街頭跳戰舞

兩人還在當地街頭欣賞巴西舞，張秀文更獲猛男伴住大跳戰舞。全球藝人都為C朗輸波大感失落，台灣女星陳妍希及美國天后Rihanna均在網上留言表示心痛，陳妍希上載「冇眼睇」照片並留言：「我的葡萄牙，我的C羅（C朗台灣譯名）…唉…」