樂壇天后容祖兒今日生日，雖然「封口」不提會如何與男友劉浩龍（師兄）慶祝，但當問到師兄有否送過鑽戒時，她即甜笑並曲線向男友「提示」：「未收過戒指喎！」她又暗示與男友感情穩定，即使日前與蔡一傑當眾「咀嘴」，男友亦絕無過問！

祖兒提起男友，流露一副甜絲絲的樣子。

祖兒抱恙出席活動。

前日患上腸胃炎的容祖兒昨日出席活動，她透露打完針後仍有少少發燒，一熱就見頭暈，估計可能因吃了一盒「攤耐咗」的沙律所致！今日是祖兒的34歲生日，問到與男友劉浩龍（師兄）會如何慶祝？她甜笑說：「同媽咪食飯，冇預佢喎！想嚟咪嚟囉！冇所謂！」問到有否收過男友送贈的鑽戒？她詐型說：「暫時未收過戒指喎！」她又大爆之前在美容院換衫時，獲職員送上驚喜生日蛋糕，嚇到她要即刻「笠番袍」！

提到早前在草蜢演唱會上與蔡一傑「咀嘴」，問到男友可有微言？祖兒笑說：「我哋冇就呢件事展開討論喎！亦都冇罵戰，其實係蜻蜒點水啫！嗰刻有Feel咪咀囉！唔係個個都得o架！係蔡一傑先令我有Feel！」

呻記憶力急降

祖兒又表示今年的生日願望是希望「記憶力返晒嚟」，並大呻：「我記憶力急劇下降，唔見咗兩部相機，唔知擺埋咗去邊。」問到是否因為太依賴另一半？她即醒目地說：「咪媽咪同助手囉！」