前港姐陳庭欣（Toby）及馬賽等前晚出席《2014 FIFA巴西世界盃之全城興奮大派對》，睇開英超的Toby指世界盃四年一度，最後四強不論凌晨3時或5時都會收看，又稱最難忘是八年前在英國的酒吧看世界盃：「嗰陣唔知邊個入波好高興，我攬住隔籬嗰個以為係同學，點知換咗個外國人，但都照攬，大家好Enjoy個氣氛！」Toby憶述有次曼城輸波，有球迷扯爛戶外電視機，更將街上車輛搬到另一位置，嚇到她不敢出街。

馬賽（左）與陳庭欣以一身運動Look投入世盃熱潮。

張景淳（左起）、馬賽、陳庭欣及楊明興高采烈地為愛隊打氣。

至於甚少外出睇波的馬賽表示為西班牙輸1：5感難過：「之前去咗西班牙，見成個國家都好鍾意足球，好似皇馬咁，覺得佢哋應該OK，冇諗過佢哋會輸。」又自言開始爆瘡，更煲湯水給娛樂新聞台同事飲。