前港姐陸詩韻自與未婚夫吳銘偉分手後不時有男相伴，繼早前帶同一名成熟男現身活動後，昨日更快嗒嫩男，與年輕男士現身石澳撐枱腳一小時，期間還多次被氹到甜甜笑。

陸詩韻食飽飯離開，與男伴前後腳取車。

陸詩韻與男伴撐枱腳時補妝，認真貪靚。

前港姐亞軍陸詩韻緋聞多多，早前她宣布與未婚夫吳銘偉分手後，身邊不缺男伴，一直表示恨拍拖的她，早前帶四眼成熟男現身公開活動，但她指對方只是多年好友。而昨日下午約五時，陸詩韻又被發現相約打扮年輕的嫩男，雙雙現身石澳一間泰國餐廳撐枱腳，二人邊吃邊傾講不停，陸詩韻還不時被嫩男氹到甜甜笑，他們大約吃了一小時便埋單離開，陸詩韻即拿出鏡盒扮靚補妝，二人步出餐廳後各自取車離開。

演舞台劇結緣

記者事後聯絡陸詩韻，問到是否與嫩男拍拖，她即說：「唔係呀！佢係舞台劇演員高正安，我哋排練後一齊食嘢啫！大家諗得太多喇！真係唔好影響人又影響我，我哋食完都各自走啦！」