日前主持《adidas x 足球小將》活動的DJ森美自認是漫畫迷，提到HYSAN PLACE商場外有多個漫畫人物巨型模型，他透露第一眼看到時相當感動：「我呢個年紀嘅朋友都有睇套漫畫，話忍唔住要嚟影吓相！以往戴志偉係着南葛隊波衫，依家就係日本隊，同我哋一齊長大，好似真人咁！」他透露會密切留意今屆世界盃，又認為睇波是很好的親子活動，今年會與父親及兒子「三代同堂」睇波：「以前得我同阿爸鬧，依家多把聲，我會問阿仔：『你幫阿爺定老竇先！』幾得意呀！」

森美拉埋乖仔落水，實行三代同堂齊齊睇波！