草蜢開騷伊健踩場變「戲肉」

草蜢前晚在紅館繼續為第四場演唱會大唱大跳，邀得鄭伊健及楊千嬅任嘉賓，當伊健準備上台時，現場響起其金曲《極速》，觀眾已High爆大叫，四子甫見面即攬頭攬頸及Chok甫。蔡一智說：「有件事冇咩人知，就係每次草蜢演唱會總綵排，伊健一定在場，佢會睇完整個騷之後畀好多意見我哋。」蘇志威接着說：「有年總綵排因為伊健未到，我哋叫經理人唔好開始住，一定要等埋佢。」全場捧腹大笑！阿智戲言：「草蜢演唱會唔好睇係關鄭伊健事。」一臉無奈的伊健說：「我仲有一個身份，就係同你哋組Lamb 4撼BIG FOUR。」至於千嬅則希望可與草蜢結片緣，隨即與蔡一傑合唱《愛一次便夠》。