歌手兼經理人漢洋及譚嘉荃（Amy）將會與旗下歌手Super Gear、HunterZ及MVG等，於本月舉行音樂派對與歌迷狂呼！積極減肥的漢洋稱不敢露「人魚線」，但笑言希望穿「人魚線」衫代替，認真搞笑！

漢洋將率領Amy等歌手以Sing會歌迷，務求與觀眾一同盡興而歸。

唱得的漢洋雖努力減磅，人魚線卻未有得露住！

與漢洋合作無間的Amy，希望下月乘勢推出合唱碟。

歌手漢洋將率領公司旗下歌手譚嘉荃（Amy）、Super Gear、HunterZ及MVG等，於本月16日開始在香港文化中心舉行一連三場的音樂派對，與歌迷作近距離接觸，他說：「呢段時間同Amy有合唱歌，成日一齊做宣傳，好多朋友都想我哋唱多啲，之後有公司問我哋搞唔搞，咁我哋諗過都有得搞，所以就試吓。」

譚嘉荃趁機出碟

問到今次是否碌盡人情卡，邀請各方好友做嘉賓？漢洋笑言要賣關子：「距離開騷仲有一段時間，所以仲搵緊朋友，就唔可以透露有邊個啦！依家仲有好多幕後嘢要搞，所以請大家留意啦！」時下不少男歌手都愛在演唱會晒「人魚線」帶動氣氛，問到會否效法，漢洋笑說：「我都希望盡減啦，目標減廿磅。（人魚線？）一個月邊有可能呀？着件人魚線衫就得！」

至於Amy則希望在音樂派對期間與漢洋推出合唱碟：「因為我哋有好多合唱歌，咁就諗不如喺呢個音樂派對嘅月份趕埋張合唱碟，令整個感覺好圓滿！（喺音樂會有得賣？）唔敢答，希望啦！」