陸浩明（6號）身為熱爆韓劇《來自星星的你》的忠實粉絲，早前到首爾旅行時，當然不放過到金秀賢與全智賢在劇中Sweet爆同遊的南山首爾塔朝聖！入鄉隨俗的6號，湊熱鬧買情人鎖之餘，更到頂層的旋轉餐廳大歎晚餐，他說：「非常推介去呢間n.GRILL食，雙人座位設計好好，唔會睇到隔籬枱，360度睇晒成個景，好抵食！本身Book唔到，係餐廳嘅職員提議我哋食早啲，順便可以睇晒日落同夜景，好浪漫，我仲知好多人喺度求婚。」

陸浩明大歎炸雞啤酒。

身為《星星》迷，又點少得食炸雞飲啤酒，但卻被韓國正宗辣炸雞「考起」，他說：「冇諗過同香港嗰啲爭咁遠，呢度起碼辣過香港4、5倍，我食咗兩舊已經變孖膶腸，我見到隔籬啲當地男士都係食唔辣，我就知蠢咗喇！」