無綫藝員黃智賢（Ben）日前出席劇集《點金勝手》宣傳活動，由於最近忙於拍劇，令老婆抱怨：「畀佢（老婆）投訴呀！佢話新劇開拍又要忙三個月，所以咪趁今次空檔同佢去泰國旅行補償囉！又可以順便Relax！」問到會否擔心泰國局勢不穩時，他說：「我唔怕，因為我係周辛勇（《點金勝手》角色）！都係去嗰啲度假島啫！冇影響嘅！小心啲咪得囉！」

黃智賢透露將與太太到泰國旅行。

黃智賢（右二）日前出席劇集《點金勝手》宣傳活動。

此外，Ben又透露充電過後會開始拍攝新劇，亦會到內地出騷。問到內地的治安問題時，他鎮定地說：「唔怕嘅，公司會做足保安措施，而且內地嗰邊都好錫我哋啲藝人，會盡量避免去一啲危險嘅地方，今個月嘅上海電影節我都會去。」