陳靜師妹林依錡擁有火辣身材，令人羨慕，不過她卻嫌未夠Fit，計劃操出馬甲線，不讓肌男的人魚線專美！即將全力進攻影壇的她早前拍喜劇大放笑彈，令人發現原來她也有搞笑一面，並非「木美人」！

擁有火辣身材的Monna，希望努力做Gym操出馬甲線！

Monna於新戲飾演姣爆妓女，盡情發揮喜劇細胞。

陳靜師妹、曾推出寫真的林依錡（Monna），憑標致臉蛋及E Cup身材秒殺不少宅男，但她嫌未夠Fit，笑言冬天狂食令她增磅不少，希望新一年努力做Gym練出「馬甲線」！她說：「朋友都估唔到我咁大食，前排懶散咗、肥咗，嚟緊要做番Gym同改善餐單，食多啲蛋白質操肌，我希望好似內衣品牌Victoria's Secret啲Model咁Fit，想線條好啲、肌肉結實啲！」她又表示今年不打算再出寫真，不過粉絲不用擔心，因她仍有渠道展示操練成果：「會去啲陽光與海灘嘅地方旅行，會Pose泳衣相，我亦有計劃自資影一輯高貴、性感相留念，出動鑽石、羽毛咁，希望效果好似外國超模。」

外形性感嫵媚的Monna原來亦有搞笑一面，不時於網上大晒Cute樣，又經常講笑話及扮鬼臉令朋友開心，她說：「人生咁短，笑多啲好過成日苦口苦面啦！我平時都係古靈精怪，令大家高興，何樂而不為呢？」

孖君如大鬥演技

而她早前與吳君如合作拍喜劇更盡情發揮喜劇細胞，她表示不介意飾演姣爆妓女：「演繹要幾誇張，放電都要好多表情！（放低形象？）係呀！要拋開自己，核突都唔理！」而Monna今次與影后君如有不少對手戲，亦與梁家輝、陳奕迅、張敬軒及盧海鵬等前輩合作，獲益良多的她希望全力進攻影壇，做個出色演員。