盧巧音（Candy）與樂壇組合Fabel早前合唱新歌，三個音樂人碰上擦出新火花！剛戰勝都市病的Candy割愛將戰利品送給兩人裝身，更笑言因遇到上小清新而「口痕」推出新歌，重出江湖！

盧巧音與Fabel合作新歌，擦出新火花。

Fabel表示從Candy身上獲得不少得着。

歌手盧巧音早前與樂壇新組合Fabel合作新歌《自戀自在》，跨越兩代的合作，讓三人都有新的得着，Candy坦言今次的合作讓她覺得遇上清泉：「我接觸過好多呢個年紀嘅年輕人都冇咩動力，又好易濫用咗網絡作為免費午餐嘅工具，但佢哋兩個就好唔同，肯做肯聽，畀到目標我。」她還笑言因而年輕了十年，想多試另類的音樂。而Fabel的主音LoLo稱Candy對他們指導了很多：「以前公司會講好多道理、理論畀我哋聽，但都唔係實際情況，同Candy合作之後，分享咗好多新睇法畀我哋，原來仲有好多唔同嘅角度。」已有一段時間沒出新歌的Candy，亦因為今次的合作而打算再出新歌：「我嘅新歌就計劃中，搵咗Fabel嘅Jimmy幫我作，已經做緊第三首，因為頭兩首覺得唔係咁啱。」問到最想試的新類型，Candy透露有意嘗試Big Band：「唔係韓國嗰個Big Bang，而係黑色好高貴着長裙唱嗰種。」她又突然問Fabel會否為《自戀自在》推出獨唱版？Fabel說：「其實老闆好有先見之明搵咗Candy合唱，我試過一個人唱係喘晒氣。」

照顧新人

談到Candy對Fabel照顧有加，Candy笑言與LoLo同姓三分親，所以對兩人特別關顧，Jimmy說：「Candy好似我哋形象指導咁，由化妝到服裝都照顧晒，我哋本身對形象嘅Sense都唔太好。」Candy表示因要照顧兩位新人，令她想起當新人時沒有人照顧：「不過我覺得依家做新人慘啲，以前新人有好多分別，但依家就多咗好多競爭。」她又自爆送給LoLo的衣服都是患上「購物都市病」時買下的：「以前太緊張，發洩出嚟就冇嘢，依家就醒咗，去超市點買都唔會太傷。」