華姐出身的倪晨曦一直熱愛瑜伽運動，因可令身材保持美態，同時令心靈健康，近日Elva更考獲瑜伽老師牌照，相當犀利！

「頭頂美腿」的Elva神態自若，不知女神背後付出了多少汗水及時間呢？

身形Fit爆的Elva相當愛吃，卻食得有節制！

情迷瑜伽的Elva輕易做出一字馬，身體的柔軟度驚人！

靠雙手撐起身體的動作，又怎會難倒Elva呢？

曾與黃宗澤傳緋聞的倪晨曦（Elva），自年前由加拿大來港後即簽約林小明成立的模特兒公司，成為多棲藝人，近日Elva的工作量愈來愈多，既為now主持綜藝節目，又做幕前商演及模特兒工作，她因粉絲愈來愈多而大感高興，猶如為她打下一支強心針。

「頭頂美腿」

近日，Elva更考獲瑜伽老師牌照，卻並非為開班授徒，而是純粹追求心靈健康，又可保持美態！身為宅男女神的Elva，常在網上分享做瑜伽的照片及成果，見她柔軟度甚高，將腳放上頭絕對難不倒她，又試過只靠雙手撐起身體，對一般人而言簡直是不容易任務，問到可有想過開班授徒，她說：「暫時冇諗呀！好多人勁過我啦，自己因為真心鍾意做瑜伽，所以想讀多啲關於瑜伽嘅嘢，開學校真係冇諗過！」

享受味蕾快感

至於單身的她被問到可有人借學瑜伽來識她，她笑說：「點會有？大家都好集中去做動作，唔會諗呢啲嘢，放學就一齊去食飯，有男有女，但只係朋友囉！」

Elva日前到金鐘出席老牌餐廳Dan Ryan開業25周年的活動，愛美食的她間中相約好姊妹野餐，從食物中尋找生活樂趣。對於被封女神，她謙稱不覺得是女神，而心中的女神是偶像張曼玉：「細細個就睇張曼玉嘅電影，超級鍾意佢演戲嘅風格，好有魅力！（想似佢？）唔會有人比得上佢，只會視佢為一個目標，希望事業好似佢咁好！」