無綫藝員羅泳嫻與林夏薇昨日出席「六月星辰」活動，羅泳嫻透露生日會與老公去迪士尼慶祝並趁機「造人」：「努力緊，都想有BB，但以前為咗靚而減肥，搞到身體唔好，年紀又唔細，都冇諗過生仔咁難。」她坦言後悔當年搏命減肥：「以前減肥好瘋癲，最瘦得103磅，近年都好努力運動調理身體。」林夏薇本月30日便滿27歲，當日剛巧是她有份演出的新劇《寒山潛龍》首播，她說：「如果唔使開工應該會去食飯睇劇集首播。（心急拍拖﹖）隨緣啦！冇得心急。」

羅泳嫻（右）與林夏薇慶祝生日。