港姐競選快將舉行，今年候選佳麗會「閉關」受訓，準決賽前才會曝光。前港姐冠軍陳凱琳（Grace）及張名雅均表示不擔心佳麗遲曝光會影響收視，Grace指此舉能令佳麗有充足準備才讓觀眾認識。

Grace（左）和名雅身邊有不少靚女，考慮推薦她們參選港姐。

一眾港姐化身純白女神出席港姐招募記招。

《2014香港小姐競選》昨日舉行全球招募活動記者會，陳凱琳（Grace）、張名雅、蔡思貝和劉佩玥等出席，今屆以「人生總有幾個靚朋友，係時候交出嚟」作招募主題，並以獎金吸引提名人，若提名的參賽者成功進身準決賽，該提名人將獲獎金一萬港元，人數不限，最高有機會獲16萬港元。

大會統籌經理余詠珊於活動上透露，今年雖保留民選制選心目中港姐，但同時也加入新元素，有別以往一早把候選佳麗曝光的做法：「班女仔會喺準決賽前先曝光。（唔擔心影響收視？）對香港小姐有信心，今次用另類方法，準決賽應該有20人左右。（海外招募取消？）唔會浪費呢啲力，近年好多海外香港人都回流返嚟。（外景？）未決定到。」

準決賽前禁曝光

對於今年以提名人獎金作為利誘，Grace坦言身邊也有一、兩名友人有意參選，問到是否獨吞二萬獎金？她笑說：「咁都要了解佢哋心態，我參選都唔係玩玩吓，係好認真同尊重件事。（今年佳麗喺最後先曝光，擔唔擔心宣傳唔夠？）呢啲我唔識，但都有好處，等大家認識佢哋時已Ready好。」而張名雅則透露身邊有不少靚女朋友：「我美國有兩個表妹都靚，外國生活女仔膽量大，都要問佢哋先。我希望收視創新高啦！」