周秀娜昨日出席世界盃活動時輕露兩吋事業線及小蠻腰，卻不及同場的森巴女郎火辣性感。娜姐與森巴女郎一起跳森巴舞，問到為何不以森巴女郎的性感打扮上陣？她謂事前不知道要跳舞：「啲森巴女郎着得好靚，個羽毛頭飾都唔輕，如果我着，要訓練吓啲體力先。戴咗個頭飾冇人敢埋身，啲羽毛會拂到人。（去巴西睇世界盃？）朋友喺嗰邊問我去唔去，佢最近生咗小朋友，我都想去探佢，不過安排唔到，套戲八月開拍，要做定啲準備工夫。套戲因為張智霖好忙所以延遲咗。我會喺香港同朋友一齊睇波，可能嚟我屋企睇，我下廚。」問到支持那一隊，娜姐表示會支持其緋聞男友、英超球星里奧費迪南（Rio Ferdinand）：「我支持我個Friend里奧費迪南，佢冇份踢但佢會講波吖嘛，我支持英格蘭或者巴西，主辦國（巴西）應該會有主場之利，尼馬好犀利。」

娜姐（左）雖然露事業線，卻不及森巴女郎性感。