44歲的莫文蔚(Karen)於2011年與德國籍初戀情人Johannes結婚,婚前曾揚言不準備生B的Karen,日前卻神秘現身中環一間婦產科診所,穿鬆身衫的她更以手袋掩肚「孕味濃」!

於2011年下嫁外籍老公的Karen,婚後不時行孖咇晒恩愛。(資料圖片)

剛於周一度過44歲生日的Karen,一直享受與外籍老公Johannes的婚姻生活,加上老公與前妻已育有三名子女,故她結婚時已表明不用生B,好好享受與老公的二人世界!婚後Johannes仍居於英國,故未有陪Karen慶祝生日,而日前Karen獨自現身中環的婦產科醫務所,一身鬆身Tee波鞋裝束的她,刻意戴黑超及口罩掩人耳目,因醫務所以「大肚婆」居多,故Karen的出現不禁引起一眾「準媽媽」關注,避忌的Karen亦以小手袋掩肚,惹來「有喜」疑雲!

「年年驗身」

據知老公Johannes上月趁空檔飛來港與Karen相聚,Karen亦不時飛回英國見老公,可謂小別勝新婚,夫妻生活更趨甜蜜,故不排除Karen和老公不小心「搞出意外」!對於Karen睇婦產科疑「有喜」,昨日Karen助手透過電話表示:「你哋諗太多,多謝大家關心啦!咁女人睇婦科都好正常,年年驗身啫,亦唔係有唔舒服。(間醫務所好多大肚婆睇?)咁診所咁多人,有大肚婆唔奇嘅!」

至於與Karen一向老友的王梓軒,被問到可知Karen有喜?他說:「唔知喎,佢冇同我講,如果真我梗係祝福佢,亦都希望Karen同老公、小朋友都健健康康。因為Karen都好忙,要拍戲又做巡迴,加上屋企之前有啲事,都知佢壓力幾大,係真嘅話,咁佢可以得到真正快樂,我祝福佢!」