當年因發生翁美玲自殺事件而離開無綫傷心地的湯鎮業，事隔接近30年終於「回巢」，為無綫拍攝重頭劇《梟雄》！他昨日在記者會上表示，今次被劇本、角色與監製王心慰的誠意打動：「嗰件事之後（指翁美玲自殺）都有30年冇拍無綫劇，自己喺內地都做開啲霸氣角色，今次角色啱晒！同埋啲仔女又返港放暑假，可以見多啲佢哋，個女讀緊大學三年級，兩個仔都讀緊大學二年級喇！好耐冇一齊生活，自己喺香港訂咗兩個月酒店。」問到今次是否學秋生倒貼拍劇？湯鎮業笑說：「又唔使，講真酬勞同內地係差好遠，但有時做嘢唔係淨係講錢，最緊要做得開心。」

湯鎮業相隔30年再度返無綫拍劇，順道陪子女放暑假。