無綫藝人陳山聰、黃德斌、蔡思貝及陳庭欣昨日現身馬鞍山，為《西遊記小悟空大召集》活動擔任評判，蔡思貝表示小朋友勁Like《西遊記》：「之前去學校探訪，啲小朋友話好鍾意睇《西遊記》，我都有睇，係開工先唔可以晚晚追，細個好鍾意睇張衞健同陳浩民版《西遊記》，依家睇緬懷番！」陳山聰則回應被指黐徐濠縈跑步：「跑步係正面活動，雖然我冇乜同佢跑過，但好欣賞佢，我有跑開步至留意佢Instagram。我究竟係定唔係（黐阿徐），見過我跑嘅人一定知！」他又表示近日與郭政鴻組醒獅會：「年紀大重拾番兒時興趣，想推廣醒獅文化，會做義工表演，但未必接Job住。」而陳庭欣透露餐廳生意收支平衡：「做好呢間先，再諗開分店！」

陳山聰雖欣賞徐濠縈，但否認黐對方跑步。