楊怡與歌手文恩澄昨日於鑽石山出席杯麵品牌活動，因被台上小朋友無視而大呻冇魅力，問到父親節會否跟「未來老爺」慶祝？她坦言會考慮買禮物氹對方。

楊怡自嘲冇個人魅力，但可能喺羅仲謙眼中未必是事實呢？

當上衣下滑時，楊怡即時出手整理。

頒發獎項時，楊怡全程被小朋友忽視。

親手落場整杯麵的楊怡，考慮送禮給「未來老爺」。

楊怡與文恩澄昨日於鑽石山出席杯麵品牌活動，即席製作獨一無二的杯麵，楊怡更頒獎給現場的小朋友，不過大呻冇個人魅力：「頭先啲小朋友冇望過我呀，上到台淨係望住個杯麵同兩個公仔！」

冇笑嘉穎Seven

問到會否整手作給男友時，甚少DIY做手作的她旋即將手中杯麵推給記者，並笑指「男友」是男性朋友。她現時忙於拍攝無綫新劇《天眼》，對於戲稱早前撞傷的好拍檔鄭嘉穎是「Seven Wing」，她澄清沒有取笑對方：「我冇話佢Seven呀，我話係其他人話你（鄭嘉穎），佢就以為係我話佢！」

不過她透露嘉穎的傷口已拆線，可以靠化妝遮蓋，所以對拍攝影響不大：「我反而叫佢萬事小心，唔好再咁Seven！」

父親節將至，問到會否跟「未來老爺」羅仲謙爸爸慶祝，她笑指「未來老爺」稱呼好新穎：「Uncle？我識佢！唔知有冇時間，都唔係見過好多次，見過吓啦！」並指當日要開工，未必就到時間，惟有在此預祝他父親節快樂！

提及會否送禮氹「未來老爺」，她表示會考慮吓，更透露因爸爸已過身，所以會在父親節送禮物給媽媽：「送咩都好，如果係自己整，就算畫張卡都可以有心思！」