電台DJ瑪姬早前到新西蘭旅遊，並到訪當地以各類X-Game聞名的皇后鎮（Queen Town），一嘗在萬五呎高空跳降落傘的滋味。她表示當地提供的跳傘高度由九千呎至一萬五千呎不等：「我同埋另外一個朋友，加埋教練同攝影師一齊坐飛機升上預定高度。」問到在空中一躍而下的感覺，瑪姬仍歷歷在目：「坐到一萬五千呎時，教練就示意我哋準備好，然後打開艙門，數三聲教練就Fing你落去，諗都唔畀你諗，講真一跳落去嗰下其實冇咩感覺，只係好大風，風速成200公里，吹到我眼罩移位。」

身處半空的瑪姬笑得開懷，興奮之情不言而喻。

整裝待發的瑪姬相當難忘跳傘的刺激感覺！

做足準備的瑪姬坐上飛機，挑戰於萬五呎高空跳降落傘。

瑪姬回憶整個跳傘過程仍相當興奮，她指全程實質不足兩分鐘：「由飛機跳落嚟到打開降傘前，有一個叫Free Fall狀態，大約一分鐘，然後開咗降落傘後，到落地前先開始慢慢欣賞周圍環境。」完成高空跳傘的瑪姬已有下一挑戰目標：「玩完今次已經同自己講下次要去澳洲玩激流，今次上天下次就下海，仲一早約好朋友。」