問十個香港女藝人何時結婚生仔，九個都會答「事業緊要啲，都唔急嘅」，唯獨年紀小小的李蘊竟是爆冷的第十個！她與內地才俊男友定下不成文的山盟海誓：在兩年內結婚生仔。難得維繫到異地戀情，又成功冧掂未來奶奶，看來李蘊的「賢妻夢」指日可待！

提到準老公羅章冠，一臉甜思思的李蘊細數兩小口子平日的恩愛浪漫史，似乎非做「羅太」不可！

李蘊與男友分隔兩地卻愛得轟烈，誰說異地戀不易譜呢？

李蘊雖擁有一張稚嫩面孔，但思想心態卻極其成熟，早已Ready結婚生仔。

與G.E.M.（左）無所不談的李蘊，對受情傷的好姊妹寄予無限祝福！

李蘊

黃子華

異地戀曲 每日一電

李蘊13歲時憑兒童組合Cream出道，最令人深刻的是一輯弄得滿城風雨的性感照，本以為她早熟開放，怎料是個外表Open、內裏斯文的小女生，初戀要待畢業後才敢展開：「我讀書時好男仔頭，冇人敢埋身，加上我好自我保護。」吸取上次錯愛花心魔術男劉謙的教訓後，李蘊今次與內地金融才俊羅章冠（David）愛得高調，不時在社交網上載與男友抱抱的「床照」，隔住螢幕都感受到濃濃的愛意！

不過始終一中一港，兩小口子常受異地相思之苦，李蘊卻冇有怕：「佢好多嘢做，大家惟有各自工作，其實仲好，小別勝新婚，大家搞掂晒手頭上覺得有壓力嘅嘢，再見面感覺會更加良好。」不能日見夜見，每日一電遂成為指定動作：「佢成日叫我休息多啲，之前我拍劇每日都要去水塘吹風，搞到我係咁流鼻水，佢都會叫我休息多啲，飲多啲水，大家喺唔同地方，問候真係好緊要！」

限時兩年 成家立室

分隔兩地卻照樣愛得如膠似漆，難怪李蘊自去年便屢傳婚訊，更有指已秘密閃婚，身為圈外人的男友一夜間化身封面人物，李蘊說：「佢會覺得好搞笑，佢唔係呢行嘅人，第一次上報紙，佢會覺得『嘩！點解會咁樣寫？』我都驚影響佢工作，同埋家人同事嘅關係，但佢依家慢慢覺得有啲新聞唔係真就唔使理。」

「被結婚」多次後，李蘊指與男友早有結婚計劃，更已見過未來奶奶，只是時機未到：「大家都有共同目標，見過雙方家長，未來奶奶對我好好！（滿意你嘛？）我咁乖，梗係滿意。我屋企人都好鍾意佢，呢個年代都係自己感覺最緊要，我鍾意嘅屋企人都會支持，但始終未定結婚時間。」

已半隻腳踏進「羅家」的李蘊原來滿腹「賢妻」大計，22歲的她計劃在兩年內結婚生仔：「如果要生小朋友就唔可以太遲結婚，我哋兩個都係有愛心嘅人，都好鍾意小朋友，佢見到我啲表弟妹都好鍾意抱。我媽咪24歲生我，所以我同媽咪冇乜代溝，關係好好，自己想將來同小朋友都有一樣嘅關係。（兩年內生？）大家拭目以待啦！呢啲要睇個天，自己話唔到事！」

知心閨蜜 非G.E.M.莫屬

這邊廂李蘊愛得轟烈，那邊廂好姊妹鄧紫棋（G.E.M.）與台灣歌手林宥嘉的異地戀卻未能開花，李蘊透露甩拖後的G.E.M.心情早已平復，二人幾乎每日都以短訊傾少女心事，有時更會在G.E.M.的閨房傾通宵：「佢會留間客房畀我，以前一星期都會去兩晚，傾吓女仔嘢，佢成日半夜都唔瞓，仲會突然作曲，有靈感就去打鼓，搞到有次畀樓下投訴！」　　

Mark實超齡男神

連續完成幾部舞台劇後，李蘊的演技逐漸進步，並有意重返大銀幕拍電影，亦不介意性感演出：「要睇劇情，一定要有原因，觀眾係鍾意嘅，唔係過分暴露、核突嘅話都可以考慮！」問到最想與哪位對手合作時，男友David竟非李蘊的「頭號男神」，其心水之選乃視帝黃子華：「自從子華拎咗視帝之後，我就好鍾意佢，年齡唔係問題，佢識好多嘢，個腦轉得好快，想喺佢身上學嘢，簡直係我男神！」