無綫World Cup Girls「世波女」馬嘉韻（Mars）自恃身材豐滿，拍攝不少性感照並上載社交網站，當中最大膽的是她與女友人脷疊脷！

擔任無綫「世波女」的Mars宣傳時力谷咪咪。

無綫網絡電視《低俗講波團》有多位World Cup Girls「世波女」拱照，其中以擁33C上圍的馬嘉韻（Mars）宣傳時最落力，常性感拋胸搶鏡，坦承自己「波大冇腦」！對身材相當自滿的她在Facebook上載不少露肉內衣照，更有與女伴「脷疊脷」的相片，非常大膽！昨日有讀者爆料指她拍色情寫真，並附上一張Mars與同性摸胸的咀嘴相，非常曖昧！

社交網洩密

Mars受訪時直言有做私影模特兒，而相中女仔是她的好姊妹，拍這些照片只為紀念，問到照片為何會流出？她說：「我用手機影低咗就上載Facebook，可能咁樣流咗出去。（仲有冇尺度大膽啲？）最大膽都係內衣照，做咁耐Model有個底線，唔會擺淫褻甫士。」問到會否擔心無綫不滿？她指應該不會，並堅稱絕對不曾與男友影淫褻照。至於無綫製作部總監余詠珊接受電話訪問時表示，要了解事件才作回應。