新秀出身的莫鎮賢與友人合資開設燕窩店，獲好友江欣燕、戴蘊慧與胡渭康等撐場。欣欣早前被拍得約會異性，當外界以為她喜迎「第二春」，但她澄清說：「朋友嚟啫！（有人追？）唔好講呢啲。（朋友介紹筍盤？）咩國籍都有。（接受異國戀？）咁要學好其他語言先得喇！」

江欣燕撐老友莫鎮賢場，獲對方送吻。

而早前榮升嫲嫲的戴蘊慧表示「五代同堂」，新抱早前亦帶孫女由英國返港定居：「六月會飛去嗰邊，幫囝囝執埋啲嘢返嚟，咁就一家團圓，諗住買間大啲嘅屋，希望新抱唔介意一齊住啦！」莫鎮賢則表示早前客串後戲癮大發，有意復出拍內地劇。