近年狀況大勇的徐子珊，前晚穿Tube Dress再騷「咪咪」，力戰大露背裝的胡杏兒和騷Bra的吳雨霏，眾女性感大鬥法，而胡杏兒前晚甜到漏承認拍拖，有愛情滋潤難怪分外省鏡！

杏兒（左）露出白滑玉背，而子珊亦不輸蝕，騷胸爭艷一番。

Kary與Eric Kwok（左）及藍奕邦合照。

心悠出場即惹來熱情歡呼，令她面露詫異之色。

傅嘉莉穿露臍透視裝到場，又潮又性感！

徐子珊、胡杏兒、田蕊妮、劉心悠及吳千語等，前晚盛裝出席活動，其中大露背的胡杏兒謙稱不是「事業女」，故留前鬥後，她表示近日因拍劇而「曬燶」，希望會「有人」欣賞。問到其圈外「新歡」，她甜笑說：「其實未確認，想再了解吓先。（唔想再同圈中人拍拖？）唔係，只係呢行冇乜選擇。」此外，有指其好姊妹姚子羚因逼婚不遂而跟有米男友分手，她即力撐說：「梗係唔係啦！佢都唔係急住結婚嗰啲人，佢哋係性格不合啫！」

子珊發展「事業」

而子珊則以一襲谷胸Tube Dress上陣，騷胸露臂，力抗大露背的胡杏兒！露出事業線的子珊自稱是「事業型女性」，問到是否收身成功騷身材？她笑說：「仲繼續努力緊，向呢個目標進發啦！（露幾吋事業線係底線？）其實我冇乜o架咋，係錯覺，不過我改細咗條裙，因為太鬆驚會甩，做足晒安全措施！」

至於同場的吳雨霏以不扣鈕外套襯Bra現身，但自嘲是「小兒科」：「我唔想刻意性感，想型啲，若隱若現就得。」她表示很滿意自己的身材，但仍想多練腹肌。談到有指她跟前網球王子男友復合？她說：「冇，係朋友，我依家係單身，都冇乜機會約人！」而剛開設製作公司的劉心悠透露正準備印製卡片，笑言要叫同事稱她為「CEO」：「以後叫我Lady BB，唔好心悠BB，聽得多好悶！」