新進導演孔令政的處男作《第七謊言》，在洛杉磯及康城均大獲好評，為他打下強心針。他坦言做新導演困難重重，不但要靠前輩相助，更要「食腦」控制成本，令他承受不少壓力！

孔令政克服重重困難，將處男作帶到國際舞台。

孔令政早前到康城賣片，反應不俗。

演技派鄭中基與型男羅仲謙，令《第七謊言》生色不少。

鄭中基

香港新進導演孔令政（James）邀得演慣喜劇的鄭中基，參演其首部執導的作品《第七謊言》，電影集懸疑、犯罪題材於一身，早前到洛杉磯試映及到康城賣片，好評不絕，未來數月將陸續亮相影展，大有機會像港產片《歲月神偷》般載譽而歸！

感激田啟文相助

James坦言在香港當新導演困難重重，他說：「我攞住劇本周圍搵監製、製片，直至搵到田雞（田啟文），佢好鍾意個劇本，畀咗好多意見我，仲幫我搵演員同組幕後班底，好彩有前輩幫手，套戲至拍得成。」雖然成功申請到香港電影發展基金，但James說：「每條數都好有限，困難o架！惟有逼自己用腦控制成本，我棄用拍開戲嗰種攝錄機，改用一款輕型Camera，起初我都懷疑，但喺銅鑼灣人來人往，部機表現好好。」

他坦言面對的壓力不少：「新導演嘅壓力不斷湧現，喺有限環境下，要自己諗辦法調節。（基金會除咗畀錢，冇其他援助？）佢哋負責融資，聯絡方面有其他部門。（發行遇困難？）安排咗10月上映，外界只係睇到上映嗰刻，其實新導演嘅困難由創作嗰刻就已經無間斷，套戲上映前會不斷參加影展，新人相信理念就要堅持，唔可以等人畀認同！」