樂隊Supper Moment與歌手關楚耀（Kelvin）素未謀面，最近首度合作，創作新歌《死去活來》，一玩音樂即火花四濺合作無間，更互笠高帽互讚有才華！　

Kelvin（左二）與Supper Moment接受Angela訪問時各人拿起廚具亂舞，似足大細路！

Angela急不及待試食Kelvin的製成品。

Sunny「迷戀」Kelvin的「美色」，遭Angela調侃。

Kelvin似乎做沙律做到心力耗盡，襯晒新歌《死去活來》。

關楚耀（Kelvin）邀來樂隊Supper Moment創作新歌《死去活來》，日前他們齊齊上《東網》的《娛樂onShow》，與主持俞詠文（Angela）分享在音樂上首度合作的趣事！一向唱開悲情歌、以「傷心代言人」見稱的Kelvin遇上風格悲情的Supper Moment，即爆發特別的化學作用，破格演繹正面的「死去活來」！Supper Moment為新歌解畫：「死去係負面，活來係正面，死過又翻生，所以好正面！」而Kelvin亦分享他對新歌的獨有體會，感觸良多地表示每人「必有一死」：「我覺得人一定喺感情上『死』過，或者心態上有經歷過『死』，先會知道活着係精彩！」

即席下廚住家男

惺惺相惜的Kelvin與Supper Moment談到創作上的初體驗，Supper Moment即表示合作愉快，更大讚Kelvin「好戲」：「我哋好鍾意Kelvin喺歌曲同MV上嘅演繹，感覺上成個人落寞到冇表情，佢做到嗰種感覺！」另外，唱得又煮得的Kelvin及Supper Moment的鼓手阿達更即席大顯身手，自家炮製果汁及沙律！期間Supper Moment的主音Sunny自爆覺得Kelvin「靚仔到不能」，又大讚他「那雙眼動人」，即被Angela笑他：「我覺得你鍾意睇仔多過睇女喎！」場面爆趣！想知道更多他們的有趣互動，就要密切留意《娛樂onShow》！