RubberBand（RB）為配合新專輯概念，早前為封套內頁相集到旺角、銅鑼灣招募途人影相，吸引四百多人參與。因名額僅得95位，四子要精心挑選，成員阿偉說：「相集入面會放99張相，所以喺街搵95個人講出坦白故事，之後影一張相，加埋我哋四個張相共99張相。（有咩寓意？）我哋封套係鏡面，即係加埋買碟嗰位咪100個樣囉！」成員6號指被拍者大多是歌迷：「好多都係自發性支持。」
RB現身鬧市招募途人影相，稍後將照片收錄在新碟封套內頁。
