導演王晶女兒王子涵為理想可以去到好盡！不惜以未來的6年青春作投資，毅然簽約莊思敏旗下闖影圈，單身的她竟希望公開招親搵個好男友！

王子涵

靠一對手打出一片天，以一雙腿踏開青雲路，有女王子涵若此，王晶還有甚麼不放心！

這身貓步可以吧！難怪莊思敏（右）對王子涵（左）另眼相看。

王子涵（Da Wong）早前簽莊思敏成為旗下藝人，以6年青春在娛樂圈全力發展。她揚言不想靠父蔭，要靠自己一雙手。問到可會避拍爸爸的電影？她說：「爸爸同我講過，話喺佢電影紅係冇用，要喺人哋嘅電影紅咗先叫有用。（爸爸支持你？）簽莊思敏之前都有同佢傾過，佢叫我自己諗，有乜自己負責。」投身影圈她最希望拍愛情喜劇，享受被愛感覺：「試吓做女主角，之後畀成大班男仔追求咁，好似幾好玩。（性感底線？）三點不露，如果要我着三點式都冇問題o架！」

老竇過目「冇眼睇」

單身一族的Da Wong竟有公開招親念頭，希望找一個愛錫自己的男友，她說：「我擇偶條件好簡單，就係有才華，係有樣嘢可以令我傾慕。（靚仔？）唔需要，五官端正就OK！（圈中人？）圈內圈外都冇所謂！」問到若找到新男友會否帶給爸爸過目？她笑説：「我每次帶男朋友返屋企畀佢見，佢都唔係好鍾意。（點解？）好似唔啱佢嘅條件咁！」