所謂養兒一百歲，長憂九十九，已育有兩女的阿Bob（林盛斌）將再做老竇，太太第三度懷孕，這位廿四孝「星爸」早已為第三位小公主打造BB玩具房，更有意由大屋再搬「超大屋」！

因囡囡有音樂天分，阿Bob讓她學豎琴。

兩姊妹本各佔一房，為了即將出世的妹妹而瞓上下格床，冇計啦！

鋼琴上放滿全家福、兩名女兒的成長照片及小腳印。

出名廿四孝老竇的阿Bob快將再做爸爸，在寓所特設一間BB房給未來小公主，他解釋：「唔係刻意嘅，咁啱太太又懷孕。原本兩個囡囡各有一間房，依家就暫時騰空一間房當玩具加BB房，兩個囡囡就搬去同一間房。」至於會否考慮搬大單位？阿Bob說：「其實依家都住得幾好，都有去睇過，其實最緊要一家人住得舒服！」

留成長印記

此外，阿Bob家中不少擺設都是為寶貝女，其中最特別是堆放在廳中鋼琴上的相架，全部都是全家福，亦有兩女由出生到現在每個階段的成長記錄，還有兩名女兒的可愛「BB腳印」，阿Bob指可以留給她們長大看。

阿Bob非常疼錫兩位千金，大女可謂多才多藝，不但學鋼琴，還學豎琴。他知道囡囡對音樂有興趣就特意買了一部鋼琴，並盡量抽時間陪囡囡練琴，兩父女更即場來個「四手聯彈」。問到為何讓囡囡學較冷門的豎琴？他說：「佢鍾意學，或者有興趣就畀佢試吓！如果真係唔鍾意都唔會逼佢！」至於細女就學普通話、英文拼音，音樂方面就慢慢培養，自己有時間都會陪細女練習，盡可能花時間陪家人，做個盡責的爸爸。