影星劉青雲、方中信及林家棟日前接受訪問，大談拍攝麥兆輝及莊文強執導作《竊聽風雲3》的感覺，今次三人飾演圍村兄弟，爭權逐利最終反目，青雲表示並沒有影射成分：「套戲講人性，其實仲好有訊息，社會發展後，原來我哋失去咗好多嘢，細個食嘅、玩嘅都冇晒，係幾傷感！」提到再與古天樂及吳彥祖合作及以男人戲為主打，問到會否覺得Dry？青雲笑說：「幾好玩喎！好輕鬆，冇避忌，放啲，同女演員講嘢都唔好咁大聲啦！（想拍愛情片？）唔一定，係唔好太悲傷囉！呢次都沉重呀！個個都Sad，有人要死。」

劉青雲（中）與方中信（右）及林家棟講到電影，即滔滔不絕。

對於有份演出的內地影后周迅早前承認拍拖，三人表示拍攝時不察覺她正蜜運，青雲笑說：「我同佢得四、五日戲咋！佢男友都冇嚟探班。」