藝人車車（張紫櫻）做慣足球評述員，六月中旬將首次演出舞台劇，演年僅16歲的女孩，挑戰演技。日前她與同劇的區嘉雯及謝月美等話劇界前輩排戲，邊做邊學，獲導演余振球讚聰明、有天分。車車稱與話劇結緣多時：「我好鍾意話劇，畢業第一份工就喺劇團做行政工作，嗰時冇機會嘗試演出滋味，呢次《8美猜兇》係我人生首次舞台演出，仲要做個16歲女仔，咁啱個女仔性格古靈精怪似足我，所以我以呢把年紀去演，都冇太大問題嘅！」而余導演指車車有天分但愛賣弄小聰明：「車車某程度似武俠小說中嘅段譽，不過有時會懶醒，但都肯聽我講收番啲。」

車車飾演一名性格古靈精怪的少女，相信難不到她！