苟芸慧、張秀文及陳貝兒等前晚現身機場，為無綫《2014 FIFA巴西世界盃》到巴西拍外景，苟姑娘笑言怕巴西男太熱情，又自嘲在外國人眼中「唔靚」，故不會趁機結識外國男士，更揚言不太接受異地戀：「我唔係要成日黐住個男仔，但拍拖或相識最好多啲時間，咁先了解到啱唔啱自己同家人。（鍾意港男？）都幾細心同Gentleman。」張秀文則盼望向巴西球星尼馬（Neymar）「集郵」，苟姑娘聞言即說「有緣都想影」：「我負責影相，因為我唔叻講嘢，識男仔我怕醜。」身旁的陳貝兒即教路：「唔使講嘢嘅，用身體語言。」

苟芸慧出發往巴西，但不甚期待有艷遇。

苟芸慧與張秀文（左）作狀咀「獎盃」，又與陳貝兒擺甫士合照玩不停。

陳貝兒（中）

7月11日生日的苟姑娘，被問有否男士預先送禮？她說：「冇人知我去咁耐。」陳貝兒即笑說：「可能有人接機，或者人肉速遞。」提到有國家隊入住的酒店爆出食品過期風波，陳貝兒表示已帶同飯煲、2公斤米及即食麵做「煮飯婆」，苟姑娘則準備了黑木耳和海帶去排毒。