鄭嘉穎日前為新劇開工時不慎撞傷眉頭，入院醫治後幸無大礙，不用縫針。昨日他貼着膠布為劇集開鏡拜神，拍檔楊怡見受傷嘉穎時不禁笑稱他為「Seven Wing」!

眉頭貼着膠布的嘉穎笑言相一早已破！

抵死的楊怡不但沒有安慰受傷的嘉穎，更拿他大開玩笑。

高海寧以斯文Look拜神，祈求拍攝順利。

藝人鄭嘉穎、楊怡、陳展鵬及高海寧等昨日出席在無綫電視城舉行的劇集《天眼》開鏡拜神，眉頭貼着膠布的嘉穎表示日前開工時，不小心撞向門框受傷：「工作人員同我講我先知流血，咁我即刻入醫院睇醫生，好在傷口唔深唔使縫針。（擔心破相？）我又唔係行靚仔路線，相一早破咗啦，之前打波塊面縫咗五針，拍劇集《葉問》時眼尾縫咗十針。」問到會否影響拍攝進度，他說：「可能要休息兩三日，之後會靠化妝遮掩再開工！」

「收工瞌眼瞓？」

眼見拍檔嘉穎受傷的楊怡，不禁拋下一句「Seven Wing」，她笑言以為是其劇中造型：「可能佢粗心大意，唔知係咪收工瞌眼瞓！」她又透露早前拍檔馬浚偉拍攝劇集《守業者》時亦弄傷鼻樑：「都係唔好講，費事冇人敢同我拍劇。」至於陳展鵬笑言之後會跟監製講有動作戲就不要和楊怡拍，相當抵死！

阿佘「泰」Sexy

另外，嘉穎的舊緋聞女友佘詩曼昨日生日，好友梁靖琪（Toby）上載一張到泰國旅行時拍攝的性感合照，不少圈中好友如伍詠薇等亦留言祝賀。