緋聞男女鍾健威（Ray）與黃美棋昨日出席有線旅遊節目活動，二人自傳出緋聞後首次同台，更將戀情擺上枱！美棋將到歐洲拍新一輯旅遊節目，而Ray早前到捷克拍旅遊節目時，買了手工皂及玻璃玫瑰花給美棋作手信，美棋即撒嬌：「佢之前仲呃我話出唔到境！」美棋昨日因趕出門而弄傷手指，Ray卻不知情，二人隨即打情罵俏，美棋說：「畀門夾親！啲人話佢好細心，原來唔係！」Ray被問及與美棋發展如何時，他說：「依家了解狀態啦！係開心！」問到美棋會否想Ray同行？她說：「想，想佢幫我影相！（會掛住佢？）會掛住屋企人、朋友，咁佢都係我朋友！」

緋聞男女Ray與黃美棋受訪時一臉緊張尷尬，卻不時耍花槍！

早前美棋透露結婚才會公開戀情，Ray被問到如戀情穩定會否公開時說：「會！（如果對方想結婚先公開？）咁都要尊重對方意見！」