歌手吳雨霏（Kary）首次獲邀擔任創作總監，昨日她親身為拍攝監督指導，獲同場工作人員預祝下月生日。收到蛋糕及鮮花的Kary受寵若驚，指今年生日應在工作中度過，但亦有很多姊妹邀約食生日飯，問到有否男士相約？Kary說：「我男性朋友比較少！（想拍拖？）都好吖！但未有目標，順其自然！」

下月壽星Kary（右）獲韓籍女模獻花送蛋糕，即時冧爆甜笑！

問到熱衷於創作工作，是否想做女強人？Kary說：「想試多啲唔同範疇，有諗過開公司做Create嘅嘢，都好歡迎多啲Job搵我。」問到最想幫誰做形象指導，Kary笑言想幫百變Eason（陳奕迅）打造一個性感形象：「佢都好耐冇騷過嗰六舊（腹肌），操唔切仲可以幫佢畫上去！」