韓國人氣節目《Running Man》帶挈多位成員主持來港吸金，繼陣中唯一女將宋智孝及「長頸鹿」李光洙後，曾多次來港工作、身為宋智孝「周一男友」的Gary，首度單拖來港工作，將於下月8日周日和女星陳靜組成「周日情侶」，現身將軍澳新都城，為世界盃活動擔任開幕禮嘉賓！屆時會舉行粉絲見面會，有幸被抽中的粉絲可與Gary玩遊戲，勝出者更能合照！據知Gary今次50萬港元輕易落袋，並會提前一日抵港遊覽。

難得能與Gary合作，陳靜隨時放「峰」電暈對方！

Gary首次獨自來港出席活動，必定吸引大批粉絲！（黑白圖片）

成為首位香港女星跟Gary同台的陳靜，對於有幸與Gary成為「周日情侶」大表興奮，她說︰「我一直有睇RM，好鍾意每位主持，而且Gary同宋智孝呢對『周一情侶』好受歡迎，今次係我第一次同韓星合作，仲要係咁受歡迎嘅RM主持Gary，真係好期待好開心，希望可以同佢合照啦！Gary同宋智孝嘅Fans唔好嬲我呀！我已經學咗幾句韓文做自我介紹！」