現時深居簡出、主力湊仔的「薛王妃」諸葛紫岐(Marie),昨日罕有現身IPSA護膚品牌活動,身形比懷孕前更苗條!她透露兒子半歲已達20磅,是重量級BB,她因抱得多而腰痛:「仔仔鍾意人多,啲人抱佢又唔怕,特別鍾意女仔抱,又好鍾意聽啲Rock、Hip Hop,會不停手舞足蹈。」問到何時追多個?她說:「阿仔唔畀我唔會生。」問到會否忽略老公擔心他偷食?Marie說:「唔會啩!如果佢咁做,我都可以做同樣嘅嘢。(以牙還牙?)靠講係唔會明,要做先知個感受。(有乜御夫術?)畀多啲自由佢,愈理佢反而會令佢更緊張。」擔任司儀的楊洛婷透露男友Dear Jane主音Tim拍MV兼做導演,她甘做阿四為男友揀性感模特兒,笑言可藉此測試男友定力。

身形比懷孕前更Fit的諸葛紫岐大方騷背。

楊洛婷信任男友,無懼對方與性感模特兒合作。

同場的Ana R.(右)落力照顧後輩伍靜麗。