吳雨霏（Kary）為新碟宣傳忙個不停，但近日各地發生暴力事件，日本組合AKB48成員更在粉絲活動中被斬，令原本轉往內地宣傳的Kary決定推遲宣傳活動！

Kary常在簽名會上與歌迷近距離接觸。

Kary表示公司因擔心安全問題，故押後內地宣傳計劃。

吳雨霏昨日到電台宣傳新碟時表示，新碟剛推出故要到處出席活動，原本下周更要轉戰內地繼續宣傳，但近日台灣及日本相繼發生斬人事件，其中日本人氣女團AKB48有2名成員在粉絲活動中被狂徒斬傷，加上新疆又接連發生恐怖襲擊，令Kary被迫押後內地宣傳計劃，她說：「安全問題，公司有啲緊張，所以六月底先去。（點解唔取消？）都想去內地宣傳，見吓啲歌迷，等安排好啲先，呢啲好難預料。」

試過混亂情況

Kary表示多次去過內地宣傳，亦試過有混亂情況。問到會否更改宣傳形式？Kary說：「未必做簽名會，可能改做見面會，（同公司講加強保安？）我會同公司講吓。因為不單是我個人安全問題，同時亦可以保障歌迷安全。」