劉松仁昨日為新劇《華麗轉身》試造型，提到8月取消到越南取景，他指東南亞地區頻生事故，已建議監製改往加拿大拍攝，笑言可順道與當地的舊情人敍舊。問到現時是否不敢亂出埠？他笑說：「公司話事啦！自己年紀大，剩低冇幾多年（命），犧牲唔係好多，後生嗰班大鑊啲，我最多唔見幾年，佢哋唔見幾十年！」對於中、台、日的斬人案，他怒斥：「美國都有，黐晒線呀啲人，好得人驚。（少啲去內地拍劇？）6月初開咗《華》劇就少啲機會去。」

劉松仁表示回巢拍劇，是因兩年前已跟汪明荃約定再合作。

問到今次是否回巢救亡？松哥說：「唔係，如果係我就好值錢啦！都冇加人工，我太貴喇！」