劉嘉玲相隔14年再踏台板，不計酬勞且「執二攤」接演舞台劇，刻下心態可接受與丈夫梁朝偉同台演出的嘉玲，希望有朝一日能與丈夫再結台緣，夫妻檔大鬥演技。

穿上大Deep V裙的劉嘉玲坦言，希望與老公梁朝偉合演舞台劇。

梁朝偉

嘉玲翹着拍檔梁家輝（左）及謝君豪出席舞台劇記者會。

楊受成太太陸小曼（左起）、梁家輝、劉嘉玲、謝君豪和楊受成，齊齊合照留念。

劉嘉玲、梁家輝及謝君豪主演的英皇舞台劇《杜老誌》昨日舉行記者會，女主角嘉玲性感亮相且「中門大開」，成為焦點所在。而英皇老闆楊受成偕同太太陸小曼到場打氣。《杜》劇門票未作公開發售，但7月的10場已爆滿，記者會上宣布9月再加開10場，教台前幕後振奮不已。

三位主角齊齊接受訪問，嘉玲透露2000年曾與家輝及君豪合作舞台劇《煙雨紅船》，今次再攜手壓力相當：「不過我好享受演舞台劇帶嚟嘅滿足感。（厚酬？）倒貼就真，做嘢為興趣。本來係梁朝偉同家輝佢哋拍檔嘅，不過偉仔覺得未係時候推咗，我就對呢方面好有興趣，所以劇本稍為改改就由我演出。我同佢做足思想工作，希望今次做完，會令佢都心動，下次到佢三個合作。」家輝聞得嘉玲「倒貼」，即抵死地說：「梗係啦！你用嚟用去都係面嗰層。」

寸爆婚外情

偉仔與嘉玲約於30年前因合演舞台劇《花心大丈夫》而擦出愛火，問到嘉玲可考慮以夫妻檔再踏台板，她說：「以前我比較多顧慮，依家OK呀！（投資方考慮緊拍成電影喎！）吓？我淨係想做舞台劇喎！」此外，對於彭順被指搞婚外情，劉嘉玲笑說：「因為依家冇杜老誌（懷舊夜總會）呀？」梁家輝則搞笑說：「係咪認錯咗孖生細佬彭發呀？」