吳雨霏（Kary）昨晚舉行新碟影相會，雖然日前發生日本人氣女團AKB48被狂迷斬傷的事件，但隻身赴會的Kary一於冇有怕，因為有一班同事做「私人保鏢」，加上有怕醜歌迷擁戴，所以能放心與他們近距離合照！　

Kary出席影相會時露臂又騷腿，認真透心涼！

Kary上衣後有玄機，一轉身便透視黑Bra！

Kary為女粉絲簽名合照時使萌功晒V，做足Fan Service！

Kary獲粉絲送上巨型自製卡，立即識做畀Like。

吳雨霏昨晚為新碟舉行影相會，即場為歌迷簽名及影寶麗萊，與粉絲近距離接觸。現場有近百歌迷支持，Kary更獲熱情粉絲送上由多張寶麗萊相片拼貼而成的自製卡。接受訪問時，Kary笑說：「今次藉住我首《留不低》去留倩影！希望可以同歌迷Close啲！」提到日本女團AKB48出席活動時被歌迷斬傷，她表示不知情：「好得人驚！可能係啲歌迷太瘋狂！」但她認為這類事件防不勝防，幸好她的歌迷很乖，還有點怕醜，反而希望他們可以踴躍些！

曾遭猴擒握傷手

問到曾否遇過狂迷時，Kary表示在香港沒有遇過：「上星期去內地出席活動時同歌迷握手，可能佢哋太耐冇見我，就捉住唔放，所以差啲整親隻手！」她又表示每次出席活動都有一大班同事照顧，而且所有粉絲都很愛錫她，所以不太擔心會有同類事件發生。此外，新碟的反應比預期好，更登上各排行榜，令她非常高興。至於會否送新碟給舊愛余文樂時，她即冷淡地說：「我會叫所有朋友買我隻碟，唱片市道唔掂嘛！」